Pinangunahan ni PBBM ang pagsira ng tone-toneladang iligal na droga sa Capaz, Tarlac
Nasa larawan: Nakikipag-ugnayan si Pangulong Ferdinand Marcos, Jr. (nasa gitna) sa mga kimiko habang inihahanda ng gobyerno na sirain ang mga ilegal na substance sa Capaz, Tarlac noong Hunyo 25, 2025. (Courtesy: Presidential Communications Office)
Pinangunahan ni Pangulong Ferdinand Marcos, Jr., ang pagsunog ng mga ilegal na droga na nahuli ng mga awtoridad, kasabay ng pinatinding ‘bloodless’ na kampanya ng kanyang pamahalaan laban sa kalakalan ng mga ipinagbabawal na gamot.
Sinabi ni Marcos, “Narito kami dahil kailangan nating tiyakin na ang mga nakumpiskang droga ay sirain nang walang pag-asa na maibalik pa sa merkado,”
Ang kaganapan ay sinundan ang kanyang inspeksyon noong Martes sa Pambansang Punong Tanggapan ng Philippine Drug Enforcement Agency (PDEA) sa Quezon City.
Kamakailan ay nakumpiska ng mga awtoridad ang higit sa 1.53 tonelada ng mga ipinagbabawal na substansya na nagkakahalaga ng halos P9.48 bilyon mula sa iba’t ibang baybaying karagatan sa mga lalawigan ng Luzon sa magkakahiwalay na operasyon, na tanda ng isa sa pinakamalaking pagkakahuli ng droga sa bansa.
Sinubaybayan ni Marcos ang pagkarga ng mga ilegal na droga sa incinerator kasama sina Interior and Local Government Secretary Jonvic Remulla, PDEA Director General Isagani R. Nerez, at Dangerous Drugs Board (DDB) Chairman Oscar Valenzuela.
“Kaya nandito ako ngayon, para makita kung paano gumagana ang sistema,” sabi ni Pangulong Marcos.
Nais niyang tiyakin na ang gobyerno ay may “solidong sistema” laban sa mga ilegal na droga mula sa kanilang pagkakasamsam hanggang sa kanilang huling paglilipol.
Ayon pa sa pangulo, ang incineration facility ay may mga na install na chamber na kayang magsunog ng mga materyales sa 700 degrees Celsius, sapat na init upang sirain ang lahat ng aktibong elemento ng droga.
Binigyang-diin ni Pangulong Marcos ang pangako ng kanyang administrasyon sa transparency at integridad ng mga operasyon ng bansa laban sa narkotiko.
“Matapos iinitin sa 700 degrees, hindi na ito magiging shabu, hindi na ito magiging marijuana ito ay tuluyan ng masisira,”
“Dapat walang pagkakataon na ang mga drogang ito ay maaaring muling makuha, maibenta muli, o maireport muli,” sabi ng Pangulo.
Ang proseso ng incineration ay tumatagal ng kabuuang 22 oras, 10 oras ng pagsusunog na sinundan ng 12 oras ng paglamig upang tiyakin ang ganap na pagkasira.
Kung may natitirang mga bakas, inuulit ang proseso. “Ito ang aking unang pagkakataon na masaksihan ang sistemang ito sa aksyon, at ako ay labis na interesado na makita ito nang personal. Kailangan nating tiyakin na solid ang proseso, mula sa pagkuha hanggang sa ganap na pagkasira,” Pagtatapos ni Pangulong Marcos. Photos: Presidential Communications Office
