Paggamit ng Filipino sa mga Opisyal na Transaksiyon ng Lokal na Pamahalaan ng Lungsod Valenzuela, Isinakatuparan

Sa layuning lalo pang maisapanahon ang kakayahan ng mga lingkod-bayan ng LGU Valenzuela, aktibo silang lumahok sa Seminar sa Korespondensiya Opisyal (SKO) sa pangunguna ng Komisyon sa Wikang Filipino (KWF) noong 15–16 Oktubre 2025.

Dinaluhan ito ng higit sa 30 kinatawan mulâ sa iba’t ibang opisina gaya ng City Agriculture Office, Cultural Affairs and Tourism Development Office, Cooperative Development Office, Population Management Office, Valenzuela City Emergency Hospital (VCEH), City Health Office, Housing and Resettlement Office, Local Economic Development and Investment Office, Office of Senior Citizens Affairs, Valenzuela City People’s Park, Persons with Disability Affairs Office, Public Employment Service Office, Valenzuela City Command and Coordinating Center, Valenzuela City Disaster Risk Reduction and Management Office, Veterinary Service Office, City Environment and Natural Resources Office (CENRO), Finance Offices City Assessor’s Office, Geographic Information System-Data Management Office, City Budget Office, Digital Communications Office (DCO), Public Information Office, Motorpool Office, Public Sanitation and Cleanliness Office, Public Sanitation and Cleanliness Office – Flood Control Division (PSCO-FCO), Public Sanitation and Cleanliness Office – Waste Management Division (PSCO-WMD), Public Order and Safety Group (POSG) Traffic Management Division (TMD), Higher Education Pamantasan ng Lungsod Valenzuela, Valenzuela City Technological College (ValTech), Livelihood Office, People’s Law Enforcement Board (PLEB), Valenzuela Anti-Drug Abuse Office, at Valenzuela City Library Office.

Naging tagapanayam sina Bb. Kirsteen D. Abustan sa Korespondensiya Opisyal, Dr. Wilbert M. Lamarca sa Ortograpiyang Pambansa, at G. Jomar I. Cañega sa Introduksiyon sa Salin. Kasama rin sa nagbigay ng pagsasanay at lektura si Dr. Joel B. Lopez hinggil sa Pinagyamang Baybayin.

Ang programang ito ay pagtalima sa Atas Tagapagpaganap Blg. 335 na humihimok sa mga ahensiya ng pamahalaan na gamitin ang wikang Filipino bilang opisyal na wika ng komunikasyon at korespondensiya sa serbisyo publiko. #