Grab Asenso Learning Caravan, Nagbigay ng Digital Empowerment sa mga MSME ng Baguio City
LUNSOD NG BAGUIO — Dinala ng Grab Philippines sa Baguio City ang Asenso Learning Caravan, isang makabagong programa na naglalayong sanayin at bigyan ng kakayahan ang mga micro, small, and medium enterprises (MSMEs) sa paggamit ng AI-powered tools, cashless payments, at iba pang digital skills na kaakibat ng Smart City vision ng lungsod — kabilang ang data-driven policymaking, tourism technology, at city-wide digital readiness.
Ang Grab Asenso, pangunahing inisyatiba ng Grab sa larangan ng public-private partnership, ay nakatuon sa pagsuporta sa digital transformation ng mga lungsod tulad ng Baguio. Layunin nitong sanayin ang mga maliliit na negosyante sa digital marketing at AI tools, pati na rin sa paggamit ng mga mobile-first technologies para mapadali ang pagtanggap ng cashless payments, online listings, at promosyon nang hindi nangangailangan ng malaking kapital o advanced technical skills.
“Ang digital readiness ay polisiya ng pag-asenso,” ayon kay Paula Catanghal, Deputy Head for Cities ng Grab Philippines. “Nauunawaan ng Baguio na kapag ang isang simpleng karinderya o pasalubong shop ay kayang tumanggap ng tap-and-scan payment at magpatakbo ng promosyon gamit ang AI, ang mga polisiya ng lungsod ay nagiging tunay na oportunidad para sa kabuhayan.”
Sa keynote speech ni DICT Assistant Division Chief Jeehad Tanggol, na kumatawan kay DICT Secretary Henry Aguda, binigyang-diin niya na ang Grab Asenso ay isang halimbawa ng “Digital Bayanihan” — isang makabagong anyo ng bayanihan na nagbubuklod sa gobyerno at pribadong sektor para isulong ang digital inclusion sa bansa. Aniya, “Sa pamamagitan ng mga programang tulad nito, isinasakatuparan natin ang layunin ng DICT na makalikha ng 8 milyong digital at digitally enabled jobs sa ilalim ng Trabahong Digital Program.”
Pagpapatibay ng MSMEs sa Panahon ng Digital Economy
Simula nang ilunsad ang GrabFood sa Baguio noong 2020, nagkaroon ng digital lifeline ang mga lokal na negosyo upang makatawid sa pandemya. Lumago ang bilang ng mga MSME partners taon-taon, patunay na mabilis ang pagyakap ng mga negosyante sa digital commerce.
Kabilang sa mga benepisyong nakukuha ng mga Grab merchant partners ay ang access sa data analytics, Quick Cash financing, at aktibong consumer base na nagpapanatili ng demand kahit lampas sa peak tourism season.
Isa sa mga inspirasyong kuwento ay ang Raff’s Fried Chicken House, na pinamumunuan nina Rowena Ninalga at Anabelle Canaveral. Mula sa maliit na kainan, lumago ito tungo sa dalawang sangay at mahigit 20 empleyado dahil sa GrabFood at mga self-serve marketing tools tulad ng Grab Spotlight Ads.
“Ang Spotlight Ads ang nagdala sa amin mula sa pag-asang may benta, tungo sa tiyak na resulta. Tuwing maglalabas kami ng promo sa tamang panahon, tuloy-tuloy ang paglago,” ani Ninalga.
Pag-angat sa Pamamagitan ng AI at Cashless Payments
Kasama sa bagong yugto ng Grab Asenso ang Merchant AI Assistant, isang AI-powered tool na tumutulong sa mga negosyante na gumawa ng promosyon, ayusin ang menu, gumawa ng marketing content, at planuhin ang inventory gamit ang demand data.
Bukod dito, inilunsad din ang Tap & Scan to Pay, isang mobile-first payment solution na sumusuporta sa card tap at QR transactions — ginagawang abot-kaya at madali ang cashless payments para sa maliliit na negosyo. May kasama itong Income Protection Coverage para sa mga merchant bilang proteksyon laban sa biglaang pagkalugi o operational disruptions. Ang sistemang ito ay opisyal na ilulunsad sa Baguio City sa 2026.
“Ang Baguio City ang nagsisilbing simula ng isang mas matatag na digital Cordillera — isang lungsod na handang yakapin ang teknolohiya bilang pantay na pagkakataon para sa lahat ng negosyante,” dagdag ni Catanghal. # Mga litrato at video slot kuha ni Mario Oclaman // FNS
